Ynghylch Am Adeiladu

Beth ydy Am Adeiladu?

Mae Am Adeiladu yn cynnig adnoddau i unrhyw un sy’n chwilio am yrfa yn y sector adeiladu a’r amgylchedd adeiledig. Rydym yn arddangos y llu o gyfleoedd gwerth chweil sydd ar gael ac yn helpu pobl o bob cefndir i ymuno â diwydiant cyffrous sy’n tyfu ac sy’n cael effaith enfawr ar dai, diwydiant a seilwaith y DU.

Yn ogystal â’n hadnoddau ar-lein, mae Am Adeiladu hefyd yn estyn allan at bobl sy’n chwilio am gyfleoedd drwy fynd i ddigwyddiadau gyrfaoedd, ymgysylltu â’r wasg a chefnogi cenhadon adeiladu.

Ar gyfer pwy mae Am Adeiladu?

Rydyn ni yma i gefnogi pobl ifanc sy’n chwilio am gyfleoedd i gael sgiliau a chyflogaeth, yn ogystal â phobl fwy profiadol sy’n awyddus i newid gyrfa. P'un a ydych chi wedi dewis ymuno â’r diwydiant adeiladu yn barod, neu os ydych chi’n dal i geisio penderfynu a yw’n addas i chi, mae Am Adeiladu’n cynnig gwybodaeth a chyngor ar ddod o hyd i rolau sy’n ennyn boddhad ac sy’n addas ar gyfer eich galluoedd a’ch diddordebau.

Gellir defnyddio ein hadnoddau i arwain a gwneud penderfyniadau gan unigolion, neu i arfogi rhieni a chynghorwyr gyrfa â chanllawiau gwerthfawr sy’n hawdd eu rhannu.

Sut y caiff Am Adeiladu ei ariannu?

Mae Am Adeiladu yn cael ei gefnogi gan Lefi Bwrdd Hyfforddi'r Diwydiant Adeiladu (CITB), sy'n cael ei ariannu gan gyflogwyr yn y diwydiant adeiladu - o gwmnïau teuluol i gwmnïau rhyngwladol. Ein pwrpas yw helpu pobl i gael gafael ar yr wybodaeth sydd ei hangen arnynt i ystyried gyrfa yn y diwydiant adeiladu ac i helpu i ddiwallu angen y sector am weithlu mwy ac sy'n fwy cynrychioliadol. 

• Dysgu am y Lefi.

Sut y caiff Am Adeiladu ei gefnogi gan ddiwydiant?

Mae ein partneriaid a’n cenhadon yn ein helpu i gyflawni llawer mwy nag y gallem ei wneud ar ein pen ein hunain. Gyda’u gwybodaeth arbenigol a’u cefnogaeth, gyda’n gilydd rydym yn annog pobl o bob cefndir i ystyried gyrfa yn y diwydiant adeiladu.

Os hoffech chi gefnogi gwaith Am Adeiladu, mae rhagor o wybodaeth ar gael yma.